- Neck Pain Reasons And Home Remedies In Kannada
ಕುತ್ತಿಗೆ ನೋವಿಗೆ ಸರಳ ಮನೆಮದ್ದುಗಳು…
ನಿಮ್ಮ ಕುತ್ತಿಗೆ ಸ್ನಾಯುಗಳು ದುರ್ಬಲಗೊಂಡಾಗ ಮತ್ತು ನಿಮ್ಮ ತಲೆಯನ್ನು ತಿರುಗಿಸಲು ಪ್ರಯತ್ನಿಸಿದಾಗ ನೋವು ಕಾಣಿಸುತ್ತದೆ. ಕುತ್ತಿಗೆ ನೋವು ಕೆಲವೊಮ್ಮೆ ಮರಗಟ್ಟುವಿಕೆ, ತಲೆನೋವು, ಬಿಗಿತದಿಂದ ಕೂಡಿರಬಹುದು.
ಇಡೀ ದಿನ ಕಂಪ್ಯೂಟರ್ ನೋಡುವುದರಿಂದ ಕುತ್ತಿಗೆಯ ಕೀಲುಗಳ ಸುತ್ತಲಿನ ಸ್ನಾಯುಗಳು ಆಯಾಸಗೊಳ್ಳುವುದು ಮತ್ತು ಅತಿಯಾಗಿ ವಿಸ್ತರಿಸಲು ಉತ್ತೇಜಿಸುತ್ತದೆ. ಹಾಗಾದರೆ ಕುತ್ತಿಗೆ ನೋವನ್ನು ಮನೆಯಲ್ಲಿಯೇ ಹೇಗೆ ಚಿಕಿತ್ಸೆ ನೀಡಬಹುದು ಎಂಬುದನ್ನು ಇಲ್ಲಿ ತಿಳಿಯಿರಿ.
ವ್ಯಾಯಾಮ ಮಾಡಿ
ಕುತ್ತಿಗೆ ನೋವಿಗೆ ಸೂಕ್ತವಾದ ಚಿಕಿತ್ಸೆಗಳಲ್ಲಿ ವ್ಯಾಯಾಮ ಕೂಡ ಒಂದು. ಕುತ್ತಿಗೆಯನ್ನು ಸ್ವಲ್ಪ ಅಲ್ಲಾಡಿಸುತ್ತಾ ಇರಿ ಇದರಿಂದ ಮರಗಟ್ಟಿರುವ ನಿಮ್ಮ ಕುತ್ತಿಗೆಗೆ ಸ್ವಲ್ಪ ರಿಲ್ಯಾಕ್ಸ್‌ ಸಿಗುತ್ತದೆ.
- ನಿಮ್ಮ ಭುಜಗಳನ್ನು ಹಿಂದಕ್ಕೆ ಮತ್ತು ಮುಂದಕ್ಕೆ ಸುತ್ತಿಕೊಳ್ಳಿ.
- ನಿಮ್ಮ ಭುಜಕ್ಕೆ ನಿಧಾನವಾಗಿ ಪ್ರತಿ ಬದಿಯಲ್ಲಿ ಕಿವಿಗಳನ್ನು ಟಚ್‌ ಮಾಡಿ.
- ನಿಮ್ಮ ತಲೆಯನ್ನು ನಿಧಾನವಾಗಿ ಅಕ್ಕ ಪಕ್ಕಕ್ಕೆ ತಿರುಗಿಸಿ.
- ಹೀಗೆ ಮಾಡುವುದರಿಂದ ನಿರ್ದಿಷ್ಟ ಪ್ರದೇಶಕ್ಕೆ ರಕ್ತದ ಹರಿವು ಹೆಚ್ಚಾಗುತ್ತದೆ ಮತ್ತು ಉರಿಯೂತವನ್ನು ಕಡಿಮೆ ಮಾಡುತ್ತದೆ.
ಮಲಗುವ ಭಂಗಿಯನ್ನು ಬದಲಾಯಿಸಿ
ಕುತ್ತಿಗೆಯ ನೋವಿಗೆ ಮಲುಗುವ ಭಂಗಿ ಕೂಡ ಕಾರಣವಾಗಬಹುದು. ರಾತ್ರಿಯ ವೇಳೆ ಯದ್ವಾತದ್ವಾ ಮಲಗುವುದು, ಗಟ್ಟಿಯಾದ ದಿಂಬಿನ ಮೇಲೆ ಮಲಗುವುದರಿಂದ ಕೂಡ ಕುತ್ತಿಗೆಯ ಭಾಗದಲ್ಲಿ ನೋವು ಕಾಣಿಸಿಕೊಳ್ಳುತ್ತದೆ. ಕುತ್ತಿಗೆಯ ಮೇಲೆ ಕಡಿಮೆ ಒತ್ತಡವನ್ನು ನೀಡುವ ಭಂಗಿಯಲ್ಲಿ ಮಲಗುವುದು ಉತ್ತಮ.
ನೀವು ಹೊಟ್ಟೆಯ ಮೇಲೆ ಮಲಗಿದಾಗ, ದೀರ್ಘಕಾಲದವರೆಗೆ ನಿಮ್ಮ ಕುತ್ತಿಗೆಯ ಮೇಲೆ ಒತ್ತಡ ಉಂಟು ಮಾಡಿ, ನೋವು ಮತ್ತು ಬಿಗಿತವನ್ನು ಉತ್ತೇಜಿಸುತ್ತದೆ.
ಐಸ್‌ ಪ್ಯಾಡ್‌ ಅಥವಾ ಕೋಲ್ಡ್ ಕಂಪ್ರೆಸ್ ಬಳಸಿ
ಕುತ್ತಿಗೆಯ ನೋವನ್ನು ಹೋಗಲಾಡಿಸಲು 2 ವಿಧಾನಗಳನ್ನು ನೀವು ಬಳಸಬಹುದು. ಅವುಳೆಂದರೆ ಒಂದು ಬಿಸಿ ನೀರಿನ ಶಾಖ ಮತ್ತು ಐಸ್‌ ಪ್ಯಾಡ್‌.
ನೋವಿನ ಪ್ರದೇಶಕ್ಕೆ ಶಾಖ ಅಥವಾ ಐಸ್‌ ಪ್ಯಾಡ್‌ ಮೊದಲ 48 ರಿಂದ 72 ಗಂಟೆಗಳ ಬಳಸಿ. ಇದು ನಿಮ್ಮ ಸ್ನಾಯುಗಳನ್ನು ಸಡಿಲಗೊಳಿಸಿ, ಕುತ್ತಿಗೆಯಲ್ಲಿ ರಕ್ತದ ಹರಿವನ್ನು ಹೆಚ್ಚಿಸುತ್ತದೆ. ಹಾಗೆಯೇ ನೋವನ್ನು ನಿವಾರಿಸಲು ಸಹ ಸಹಾಯ ಮಾಡುತ್ತದೆ.
ಸಾರಭೂತ ತೈಲದಿಂದ ಮಸಾಜ್‌ ಮಾಡಿ
ಸಾರಭೂತ ತೈಲಗಳು ಚರ್ಮ ಸೌಂದರ್ಯಕ್ಕೂ ಸೈ ಮತ್ತು ಚರ್ಮ ವ್ಯಾಧಿಗಳಿಗೂ ಸೈ. ಪೆಪ್ಪರ್‌ ಮಿಂಟ್‌ ತೈಲ ಅಥವಾ ಲ್ಯಾವೆಂಡರ್‌ ತೈಲಗಳನ್ನು ತೆಂಗಿನ ಎಣ್ಣೆಯೊಂದಿಗೆ ಮಿಶ್ರಣ ಮಾಡಿ ಕುತ್ತಿಗೆಗೆ ನಿಧಾನವಾಗಿ ಮಸಾಜ್‌ ಮಾಡಿ.
ಹೀಗೆ ಮಾಸಾಜ್‌ ಮಾಡುವುದರಿಂದ ನಿಮ್ಮ ಕುತ್ತಿಗೆಯಲ್ಲಿನ ಸ್ನಾಯುಗಳ ಬಿಗಿತವು ಕ್ಷಣಮಾತ್ರದಲ್ಲಿ ಸಡಿಲವಾಗುತ್ತದೆ. ಇದರ ಪರಿಣಾಮ ಕುತ್ತಿಗೆಯ ನೋವಿನಿಂದ ಮುಕ್ತಿ ಹೊಂದಬಹುದು.
ಟಿಪ್ಸ್‌
ದೈಹಿಕ ಚಟುವಟಿಕೆಯ ನಂತರ ಕುತ್ತಿಗೆಯಲ್ಲಿ ಬಿಗಿತ ಅಥವಾ ನೋವು ಕಾಣಿಸಿಕೊಂಡರೆ, ಆ ದೈಹಿಕ ಚಟುವಟಿಕೆಗಳನ್ನು ಮಿತಿಗೊಳಿಸಿ.
ನೀವು ಕುತ್ತಿಗೆ ನೋವು ಹೊಂದಿದ್ದರೆ ಕುತ್ತಿಗೆಯ ಸ್ನಾಯುಗಳನ್ನು ಉಲ್ಬಣಗೊಳಿಸಬಹುದಾದ ಭಾರ ಎತ್ತುವಂತಹ ಚಟುವಟಿಕೆಗಳನ್ನು ಕಡಿಮೆ ಮಾಡಿ.
ಒತ್ತಡಗಳು ನಿಮ್ಮ ಕುತ್ತಿಗೆಯಲ್ಲಿರುವ ಸ್ನಾಯುಗಳನ್ನು ಉದ್ವಿಗ್ನಗೊಳಿಸಲು ಕಾರಣವಾಗಬಹುದು. ಒತ್ತಡ ಕಡಿಮೆ ಮಾಡುವುದರಿಂದ ಕುತ್ತಿಗೆಯ ನೋವು ಮತ್ತು ಬಿಗಿತಕ್ಕೆ ಚಿಕಿತ್ಸೆ ನೀಡಲು ಸಹಾಯ ಮಾಡುತ್ತದೆ.
ಅತಿಯಾದ ಕುತ್ತಿಗೆ ನೋವು ಕಾಡುತ್ತಿದ್ದರೆ ಕೂಡಲೇ ವೈದ್ಯರನ್ನು ಭೇಟಿ ಮಾಡಿ.
