ಕೈಗಳ ತೋಳಿನ ಕೊಬ್ಬನ್ನು ಕರಗಿಸುವ ಯೋಗ ಭಂಗಿಗಳು

 

ಈ ಯೋಗಾಸನಗಳನ್ನು ಮಾಡಿದರೆ, ಆಗ ಕೈಯಲ್ಲಿ ಕೆಟ್ಟದಾಗಿ ಬೆಳೆದಿರುವ ಕೊಬ್ಬನ್ನು ಸರಿಯಾದ ರೀತಿಯಲ್ಲಿ ಕರಗಿಸಬಹುದು.

ಕೈಗಳ ತೋಳಿನ ಕೊಬ್ಬನ್ನು ಕರಗಿಸುವ ಯೋಗ ಭಂಗಿಗಳು

ದೇಹದಲ್ಲಿ ಕೊಬ್ಬು ಬೆಳೆದರೆ, ಆಗ ಅದು ವಿವಿಧ ಭಾಗಗಳಲ್ಲಿ ಕಾಣಿಸಿಕೊಳ್ಳುವುದು. ಮುಖ್ಯವಾಗಿ ಇದು ಕಾಲು ಮತ್ತು ಕೈಗಳಲ್ಲಿ ಕಾಣಿಸಿಕೊಂಡರೆ ಆಗ ಅಲ್ಲಿ ಮಾಂಸವು ಜೋತು ಬಿದ್ದಂತೆ ಆಗಿ ಸೌಂದರ್ಯ ಕೆಡಿಸಿಬಿಡುವುದು. ಇದಕ್ಕಾಗಿ ಸರಿಯಾದ ಆಹಾರ ಕ್ರಮ ಮತ್ತು ವ್ಯಾಯಾಮಗಳನ್ನು ಮಾಡಿದರೆ ಆಗ ಕೈಯಲ್ಲಿ ಬೆಳೆದಿರುವ ಕೊಬ್ಬನ್ನು ಕರಗಿಸಬಹುದು. ಕೆಲವು ಯೋಗಾಸನಗಳನ್ನು ಮಾಡಿದರೆ, ಆಗ ಕೈಯಲ್ಲಿನ ಕೊಬ್ಬನ್ನು ಕರಗಿಸಲು ಇವು ತುಂಬಾ ಪರಿಣಾಮಕಾರಿ ಆಗಿ ಕೆಲಸ ಮಾಡುವುದು. ಅಂತಹ ಕೆಲವು ಯೋಗಾಸನಗಳ ಬಗ್ಗೆ ತಿಳಿದುಕೊಂಡರೆ ತುಂಬಾ ಒಳ್ಳೆಯದು.

ಅಧೋಮುಖ ಶ್ವಾನಾಸನ

ಇದನ್ನು ಕೆಳಮುಖ ಶ್ವಾಸ ಆಸನ ಎಂದು ಕರೆಯಲಾಗುತ್ತದೆ. ಈ ಆಸನವು ಕರುವಿನ ಭಾಗ ಮತ್ತು ಕೈಯ ಸ್ನಾಯುಗಳ ಮೇಲೆ ಕೇಂದ್ರೀಕೃತವಾಗಿದ್ದು, ಇದರಿಂದ ತಲೆನೋವು, ಬೆನ್ನು ನೋವು, ಒತ್ತಡ ಮತ್ತು ಬಳಲಿಕೆ ಕಡಿಮೆ ಮಾಡಬಹುದು. ನೆಲದ ಮೇಲೆ ಅಂಗೈಗಳನ್ನು ಮತ್ತು ಮೊಣಕಾಲನ್ನು ಇಟ್ಟುಕೊಳ್ಳಬೇಕು ಮತ್ತು ನೇರವಾಗಿದ್ದು ೩೦ ಸೆಕೆಂಡು ಕಾಲ ಹಾಗೆ ಇರಬೇಕು.

ದಂಡಾಯಮಾನ ಭ್ರಮನಾಸನ

• ಇದು ಟೇಬಲ್ ಭಂಗಿಯ ಸಮತೋಲನದ ಆಸನವಾಗಿದ್ದು, ಇದು ಕೈಗಳಲ್ಲಿನ ಕೊಬ್ಬನ್ನು ಕರಗಿಸುವುದು ಮತ್ತು ಸಂಪೂರ್ಣ ಸ್ಥಿರತೆ, ಸಮತೋಲನ ಕಾಪಾಡುವುದು ಮತ್ತು ನೆನಪಿನ ಶಕ್ತಿಯನ್ನು ಹೆಚ್ಚಿಸುವುದು.
• ಹಾಗೆ ನೆಲದ ಮೇಲೆ ಮೊಣಕಾಲು ಮತ್ತು ಕೈಗಳನ್ನು ಇಟ್ಟುಕೊಳ್ಳಿ. ಇದರ ಬಳಿಕ ಬಲದ ಕೈಯನ್ನು ಸಮಾನಾಂತರವಾಗಿ ಮೇಲಕ್ಕೆ ಎತ್ತಿಕೊಂಡು ಎದೆ ಮತ್ತು ಹೊಟ್ಟೆಯ ಭಾಗಕ್ಕೆ ತರಬೇಕು ಮತ್ತು ಎಡದ ಕಾಲನ್ನು ಕೂಡ ಇದೇ ರೀತಿಯಾಗಿ ಸಮಾನಾಂತರವಾಗಿ ಮೇಲಕ್ಕೆತ್ತಬೇಕು.

• ಉತ್ತಿತ ಅರ್ಧ ಧನುರಾಸನ

  
  • ಇದನ್ನು ಅರ್ಧ ಬಿಲ್ಲಿನ ಆಸನ ಎಂದು ಕರೆಯಲಾಗುತ್ತದೆ. ಇದು ತೊಡೆ, ಸೊಂಟಕ್ಕೆ ಬಲ ನೀಡುವುದು ಮತ್ತು ಕೈಯ ಕೊಬ್ಬನ್ನು ಕರಗಿಸಲು ಸಹಕಾರಿ. ನೇರವಾಗಿ ನಿಂತುಕೊಳ್ಳಬೇಕು ಮತ್ತು ದೇಹದ ಮೇಲಿನ ಭಾಗವನ್ನು ಮುಂದಕ್ಕೆ ತರಬೇಕು.
  • ಈಗ ಎಡದ ಕಾಲನ್ನು ಹಿಂದಕ್ಕೆ ಂದು ದೇಹದ ಭಾರವನ್ನು ಬಲದ ಕಾಲಿಗೆ ಹಾಕಬೇಕು. ಇದೇ ವೇಳೆ ಎಡದ ಕಾಲನ್ನು ಕೈಯಿಂದ ಎತ್ತಿಕೊಳ್ಳಿ. ಈ ಭಂಗಿಯಲ್ಲಿ ೩೦ ಸೆಕೆಂಡು ಕಾಲ ಇರಬೇಕು ಮತ್ತು ಇದರ ಬಳಿಕ ಇನ್ನೊಂದು ಬದಿಯಲ್ಲಿ ಇದೇ ರೀತಿ ಮಾಡಿ.

  • ವಜ್ರಾಸನ

    

    ಈ ಆಸನದ ಬಗ್ಗೆ ಹೆಚ್ಚಿನವರಿಗೆ ತಿಳಿದೇ ಇದೆ ಮತ್ತು ಇದು ಶಮನಕಾರಿ ಯಾಗಿದೆ. ನೆಲದ ಮೇಲೆ ಕುಳಿತುಕೊಂಡು ಕಾಲುಗಳನ್ನು ಹಿಂದಕ್ಕೆ ಮಡಚಿಕೊಳ್ಳಿ ಮತ್ತು ಪಾದದ ಮೇಲೆ ಕುಳಿತುಕೊಳ್ಳಿ. ಕಾಲಿನ ಪಾದ ಮತ್ತು ಬೆರಳುಗಳು ನೆಲದ ಮೇಲೆ ಇರಬೇಕು.

  • ಪ್ರಸಾರಿತ ಪದೋತ್ತನಾಸನ

    
    • ಪಾದಗಳನ್ನು ಅಗಲಗೊಳಿಸಿ ಮುಂದಕ್ಕೆ ಬಾಗುವುದರಲ್ಲಿ ಎರಡು ವಿಧಗಳಿದ್ದು, ಇವೆರಡು ಕಾಲುಗಳು, ಕಿಬ್ಬೊಟ್ಟೆ, ಬೆನ್ನು ಮತ್ತು ಕೈಗಳನ್ನು ಬಲಪಡಿಸುವುದು. ಈ ಆಸನವು ಕೊಬ್ಬನ್ನು ಕಡಿಮೆ ಮಾಡಲು ಬಳಸಿಕೊಳ್ಳಲಾಗುತ್ತದೆ.
    • ನೇರವಾಗಿ ನಿಂತುಕೊಂಡು ಕೈಗಳನ್ನು ದೇಹಕ್ಕೆ ಸಮವಾಗಿ ಇಟ್ಟುಕೊಳ್ಳಿ. ಕಾಲುಗಳನ್ನು ಅಗಲವಾಗಿಸಿ ಮತ್ತು ದೇಹದ ಮೇಲಿನ ಭಾಗವನ್ನು ಹಾಗೆ ಮುಂದಕ್ಕೆ ತನ್ನಿ ಮತ್ತು ಕೈಗಳನ್ನು ನೆಲದ ಮೇಲೆ ಇಡಿ. ಈ ಭಂಗಿಯಲ್ಲಿ ೩೦ ಸೆಕೆಂಡು ಕಾಲ ಇರಿ.

    • ಗರುಡಾಸನ

      

      ಇದನ್ನು ಹದ್ದಿನ ಆಸನ ಎಂದು ಕರೆಯಲಾಗುತ್ತದೆ. ಇದು ಕೈಗಳಿಗೆ ಬಲ ನೀಡುವುದು. ನೇರವಾಗಿ ನಿಂತುಕೊಳ್ಳಿ, ಎಡದ ಕಾಲನ್ನು ಎತ್ತಿಕೊಂಡು ಇನ್ನೊಂದು ಕಾಲಿನಲ್ಲಿ ನಿಲ್ಲಿ. ಈಗ ಎಡದ ಕಾಲನ್ನು ಬಲದ ಕಾಲಿಗೆ ಸುತ್ತಿಕೊಳ್ಳಿ ಮತ್ತು ಪಾದವು ನೆಲಕ್ಕೆ ನೋಡುತ್ತಲಿರಲಿ. ಸಮತೋಲನ ಮಾಡಿಕೊಂಡು, ಹಾಗೆ ಕೈಗಳನ್ನು ಕೂಡ ಎತ್ತಿಕೊಂಡು, ಸುತ್ತಿಕೊಳ್ಳಿ ಮತ್ತು ದೇಹವನ್ನು ನೇರವಾಗಿ ಇಟ್ಟುಕೊಳ್ಳಿ.

      Read in English: Effective yoga poses to reduce arm fat