Early Signs and Symptoms of Kidney Problems: ನೋಡಲು ಚಿಕ್ಕ ಗಾತ್ರದಲ್ಲಿದ್ದರೂ ಕೂಡ ಕಿಡ್ನಿಗಳ ಕೆಲಸ ಮಾತ್ರ ಬಹಳ ಪ್ರಮುಖವಾದದ್ದು. ಕಿಡ್ನಿಗಳ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಏನು ಬೇಕು ಅದನ್ನು ಮಾಡಿ.
 |
ನಮ್ಮ ದೇಹದಲ್ಲಿ ಹೃದಯ, ಮೆದುಳು, ಲಿವರ್ ನಂತೆ ಕಿಡ್ನಿಗಳು ಸಹ ಪ್ರಮುಖವಾದ ಅಂಗಾಂಗಗಳು. ಇತರ ಅಂಗಾಂಗಗಳಂತೆ ಇವುಗಳು ಸಹ ದಿನ ನಿತ್ಯ ತಮ್ಮ ಕಾರ್ಯ ಚಟುವಟಿಕೆ ಮಾಡಿದರೆ ಮಾತ್ರ ಮನುಷ್ಯನ ಆರೋಗ್ಯ ಚೆನ್ನಾಗಿರುತ್ತದೆ. ಒಂದು ವೇಳೆ ತಮ್ಮ ಕೆಲಸವನ್ನು ಕಿಡ್ನಿಗಳು ನಿಲ್ಲಿಸಿ ದರೆ ಅದರಿಂದ ದೇಹದಲ್ಲಿ ಸಾಕಷ್ಟು ಬದಲಾವಣೆ ಉಂಟಾಗುತ್ತದೆ. ಆರೋಗ್ಯ ಸಮಸ್ಯೆಗಳು ಶುರುವಾಗುತ್ತವೆ.
ಬೇರೆ ಎಲ್ಲ ಕಾಯಿಲೆಗಳಂತೆ ಕಿಡ್ನಿ ಹಾಳಾದರೆ ಕೂಡ ತನ್ನದೇ ಆದ ಕೆಲವೊಂದು ಲಕ್ಷಣಗಳನ್ನು ಇದು ದೇಹದಲ್ಲಿ ತೋರಿಸುತ್ತದೆ. ಸಾಮಾನ್ಯವಾಗಿ ಎಲ್ಲರಲ್ಲಿಯೂ ಯಾವ ತರಹದ ಲಕ್ಷಣ ಕಂಡು ಬರಬಹುದು ಎಂಬುದನ್ನು ಇಲ್ಲಿ ತಿಳಿಸಿಕೊಡಲಾಗಿದೆ.
ಒಣ ಚರ್ಮ ಮತ್ತು ಚರ್ಮದಲ್ಲಿ ಕೆರೆತ
- ಕಿಡ್ನಿಗಳು ಆರೋಗ್ಯಕರವಾದ ರೀತಿಯಲ್ಲಿ ಕೆಲಸ ಮಾಡ ಬೇಕಾದ ಅವಶ್ಯಕತೆ ಇದೆ. ಏಕೆಂದರೆ ಅವುಗಳಿಂದ ಕೆಂಪು ರಕ್ತ ಕಣಗಳು ಉತ್ಪತ್ತಿಯಾಗಲು ಸಹಾಯವಾಗುತ್ತದೆ.
- ಆರೋಗ್ಯಕರವಾದ ಮೂಳೆಗಳು ಇರುತ್ತವೆ. ದೇಹದಿಂದ ವಿಷಕಾರಿ ಅಂಶಗಳು ಮತ್ತು ಹೆಚ್ಚುವರಿ ನೀರಿನ ಅಂಶ ಹೊರಗೆ ಹೋಗುತ್ತದೆ. ದೇಹದಲ್ಲಿ ಉತ್ತಮ ಪ್ರಮಾಣದ ಖನಿಜಾಂಶಗಳು ನಿರ್ವಹಣೆಯಾಗುತ್ತವೆ.
- ಆದರೆ ಯಾವಾಗ ಕಿಡ್ನಿಗಳು ಸರಿಯಾಗಿ ಕೆಲಸ ಮಾಡಲು ಆಗುವುದಿಲ್ಲ ಆ ಸಂದರ್ಭದಲ್ಲಿ ಪೌಷ್ಟಿಕಾಂಶಗಳ ಹಾಗೂ ಖನಿಜಾಂಶಗಳ ಸಮತೋಲನ ತಪ್ಪಿ ಹೋ ಗುತ್ತದೆ. ಕಿಡ್ನಿ ಸಮಸ್ಯೆ ಬರುವುದರ ಜೊತೆಗೆ ಮೂಳೆಗಳು ದುರ್ಬಲ ಗೊಳ್ಳುತ್ತವೆ. ಇದಕ್ಕೆ ಹೊಂದಿಕೊಂಡಂತೆ ಒಣ ಚರ್ಮ ಮತ್ತು ಚರ್ಮದ ಕೆರೆತ ಕಂಡು ಬರುತ್ತದೆ.
ಪದೇ ಪದೇ ಮೂತ್ರ ವಿಸರ್ಜನೆ ಮಾಡಬೇಕು ಎನಿಸುತ್ತದೆ
- ರಾತ್ರಿಯ ಸಮಯದಲ್ಲಿ ಪದೇ ಪದೇ ಮೂತ್ರ ವಿಸರ್ಜನೆ ಮಾಡಬೇಕು ಎನಿಸುವು ದು ಕೂಡ ಕಿಡ್ನಿ ಹಾಳಾಗಿದೆ ಎಂದು ಸೂಚಿಸುವ ಒಂದು ಸೂಚನೆಯಾಗಿದೆ.
- ಕಿಡ್ನಿ ಸಹಜವಾಗಿ ಕೆಲಸ ಮಾಡುತ್ತಿಲ್ಲ ಎಂದು ಇದರಿಂದ ಅರ್ಥ ಮಾಡಿಕೊಳ್ಳಬಹುದು. ಪುರುಷರಲ್ಲಿ ದೊಡ್ಡದಾದ ಪ್ರೋಸ್ತೆಟ್ ಅಥವಾ ಮೂತ್ರನಾಳದ ಸೋಂಕು ಇದಕ್ಕೆ ಪ್ರಮುಖ ಕಾರಣವಾಗಿರುತ್ತದೆ.
ಕಣ್ಣುಗಳ ಸುತ್ತ ಊದಿಕೊಳ್ಳುವುದು
- ಇದು ಸಹಜವಾಗಿ ಗುರುತುಹಿಡಿಯಬಹುದಾದ ಒಂದು ಲಕ್ಷಣವಾಗಿದೆ. ಕಿಡ್ನಿಗಳಿಗೂ ಕಣ್ಣುಗಳಿಗೂ ಏನು ಸಂಬಂಧ ಎಂದು ನೀವು ಕೇಳಬಹುದು.
- ಕಿಡ್ನಿಗಳು ಸರಿಯಾಗಿ ಕೆಲಸ ಮಾಡದೆ ಇರುವ ಕಾರಣ ಅಪಾರ ಪ್ರಮಾಣದ ಪ್ರೋಟಿನ್ ಅಂಶ ಮೂತ್ರ ವಿಸರ್ಜ ನೆಯಲ್ಲಿ ಹೊರಟು ಹೋಗುತ್ತದೆ. ಕಿಡ್ನಿಗಳು ಈ ರೀತಿ ಪ್ರೋಟಿನ್ ಅಂಶವನ್ನು ದೇಹದಲ್ಲಿ ತಡೆಹಿಡಿಯಲು ಅಸಮರ್ಥವಾಗಿ ರುವುದರಿಂದ ಕಣ್ಣುಗಳ ಸುತ್ತಲೂ ಊತ ಕಂಡು ಬರುತ್ತದೆ.
ಕಾಲುಗಳು ಮತ್ತು ಪಾದಗಳಲ್ಲಿ ಊತ
- ಕಿಡ್ನಿಗಳು ಹಾಳಾಗುವುದರಿಂದ ದೇಹದಲ್ಲಿ ಹೆಚ್ಚಿನ ಪ್ರಮಾಣದ ಉಪ್ಪಿನ ಅಂಶ ಹಾಗೆ ಉಳಿಯುತ್ತದೆ. ಇದು ಕಾಲುಗಳ ಕೆಳಭಾಗ ಊದಿಕೊಳ್ಳುವ ಹಾಗೆ ಮಾಡುತ್ತದೆ.
- ಕೆಲವರಿಗೆ ಹೃದಯದ ಹಾಗೂ ಲಿವರ್ ಸಮಸ್ಯೆ ಇದ್ದರೂ ಕೂಡ ಇದೇ ರೀತಿ ಆಗುತ್ತದೆ. ಕಾಲುಗಳಲ್ಲಿ ಸರಿಯಾದ ರಕ್ತ ಸಂಚಾರ ಇಲ್ಲದೆ ಇದ್ದರೆ ಈ ಲಕ್ಷಣವನ್ನು ಗಮನಿಸ ಬಹುದು.
ಹೊಟ್ಟೆ ಹಸಿವಾಗುವುದಿಲ್ಲ
- ಹೆಚ್ಚು ಹೊತ್ತು ಹೊಟ್ಟೆ ಹಸಿವಾಗದೆ ಇದ್ದರೆ ಮತ್ತು ಇದು ಪ್ರತಿದಿನ ಮುಂದುವರೆದರೆ ನೀವು ಕಿಡ್ನಿ ಸಮಸ್ಯೆ ಇದೆ ಎಂಬುದನ್ನು ಊಹಿಸಬಹುದು.
- ಏಕೆಂದರೆ ದೇಹದಲ್ಲಿ ವಿಷಕಾರಿ ಅಂಶಗಳ ಶೇಖರಣೆ ಜಾಸ್ತಿ ಆಗುತ್ತಾ ಹೋದಂತೆ ಈ ರೀತಿಯ ತೊಂದರೆ ಕಾಣಿಸಿ ಕೊಳ್ಳುತ್ತದೆ. ಇದನ್ನು ಎಂದಿಗೂ ನಿರ್ಲಕ್ಷ್ಯ ಮಾಡಬೇಡಿ.
