ಯಾವಾಗಲೂ ನಮ್ಮ ಮುಖ ನೋಡಲು ಸುಂದರವಾಗಿರಬೇಕು ಎಂದುಕೊಳ್ಳುವವರು ಈ ಟಿಪ್ಸ್ ಬಗ್ಗೆ ತಿಳಿದುಕೊಳ್ಳಿ
ಅಂದರೆ ಸರಿಯಾಗಿ ನಿದ್ರೆ ಮಾಡುವುದು, ಒಳ್ಳೆಯ ಆಹಾರ ಸೇವನೆ ಮಾಡುವುದು, ಯಾವಾಗಲೂ ಸಕಾರಾತ್ಮಕವಾಗಿ ಆಲೋಚನೆ ಮಾಡುವುದು, ಹೆಚ್ಚು ಸಂತೋಷವಾಗಿರಲು ಪ್ರಯತ್ನಿಸುವುದು ಇವೆಲ್ಲವೂ ಸಹ ನಮ್ಮ ಮುಖದ ಚರ್ಮ ಹಾಗೂ ನಮ್ಮ ಸೌಂದರ್ಯ ಹೊಳಪಿನಿಂದ ಕಂಗೊಳಿಸುವಂತೆ ಮಾಡುತ್ತವೆ. ಇದರ ಜೊತೆಗೆ ಇನ್ನೂ ಕೆಲವು ಟಿಪ್ಸ್ ಗಳನ್ನು ಅನುಸರಿಸಿದರೆ ನಿಮ್ಮ ಸೌಂದರ್ಯ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ಅವುಗಳೆಂದರೆ
ಮುಖಕ್ಕೆ ಹಾಕಿರುವ ಮೇಕಪ್ ತೆಗೆದು ಬಿಡಿ
ನಾವು ಯಾವುದೇ ಬಗೆಯ ಕಾಸ್ಮೆಟಿಕ್ ಉತ್ಪನ್ನಗಳನ್ನು ನಮ್ಮ ಸೌಂದರ್ಯವನ್ನು ವೃದ್ಧಿಸಲು, ಮುಖದ ಮೇಲೆ ಕಂಡು ಬರುವ ಮೊಡವೆಗಳನ್ನು ಮತ್ತು ಗೆರೆಗಳನ್ನು ಮುಚ್ಚಿ ಹಾಕಲು ಉಪಯೋಗಿಸುತ್ತೇವೆ.
ಆದರೆ ರಾತ್ರಿ ಮಲಗಿಕೊಳ್ಳುವುದು ಕೂಡ ಮೇಕಪ್ ಹಾಕಿಕೊಂಡು ಮಲಗಿಕೊಳ್ಳಬೇಕು ಎನ್ನುವ ಯಾವುದೇ ನಿಯಮ ಇಲ್ಲ ಅಲ್ಲವೇ? ಹಾಗಾಗಿ ಮಲಗುವ ಮುಂಚೆ ಸಾಧ್ಯವಾದಷ್ಟು ಮುಖದ ಮೇಲಿರುವ ಮೇಕಪ್ ತೆಗೆದು ಹಾಕಿ ಮಲಗುವುದು ಒಳ್ಳೆಯದು.
ಈ ಎಣ್ಣೆಯನ್ನು ಉಪಯೋಗಿಸಿ
ಇಡೀ ರಾತ್ರಿ ಪಳಪಳನೆ ಹೊಳೆಯುವ ಮುಖ ನಿಮ್ಮದಾಗಲು ಅನುಕೂಲವಾಗುವಂತೆ ಇರುವಂತಹ ಬಾದಾಮಿ ಮತ್ತು ಜೋಜೋಬಾ ಎಣ್ಣೆ ಉಪಯೋಗಿಸುವುದರಿಂದ ಅತ್ಯದ್ಭುತ ಪೌಷ್ಠಿಕ ಸತ್ವಗಳು ನಿಮ್ಮ ದೇಹಕ್ಕೆ ಸಿಕ್ಕಿದಂತೆ ಆಗಿ, ಚರ್ಮದ ಗುಣಮಟ್ಟವನ್ನು ವೇಗವಾಗಿ ಹೆಚ್ಚು ಮಾಡುತ್ತವೆ. ನಾಲ್ಕರಿಂದ ಐದು ರಾತ್ರಿಗಳು ರೀತಿ ಮಾಡುವುದರಿಂದ ಚರ್ಮದ ಕಾಂತಿ ಹೆಚ್ಚಾಗುವುದರಲ್ಲಿ ಯಾವುದೇ ಅನುಮಾನವಿಲ್ಲ.
ನಿಂಬೆಹಣ್ಣಿನ ರಸ ಸೇರಿಸಿದ ನೀರನ್ನು ಸೇವನೆ ಮಾಡಿ
ಮಲಗುವ ಮುಂಚೆ ಒಂದು ಲೋಟ ನಿಂಬೆ ಹಣ್ಣಿನ ಪಾನೀಯವನ್ನು ಕುಡಿದು ಮಲಗುವುದು ತುಂಬಾ ಒಳ್ಳೆಯದು. ಇದು ಒಳಭಾಗದಿಂದ ನಿಮ್ಮ ದೇಹವನ್ನು ಸ್ವಚ್ಛಮಾಡುವುದು ಮಾತ್ರವಲ್ಲದೆ ಚರ್ಮದ ಕಾಂತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ನೀವು ರಾತ್ರಿ ಹೀಗೆ ಮಾಡಿ ಮಲಗುವುದರಿಂದ ಬೆಳಗಿನ ಸಮಯದಲ್ಲಿ ನಿಮ್ಮ ಚರ್ಮದ ಕಾಂತಿ ಹೆಚ್ಚಾಗುತ್ತದೆ.
ಚರ್ಮವನ್ನು exfoliate ಮಾಡಿ
ಅತ್ಯುತ್ತಮವಾದ ಚರ್ಮದ ಹೊಳಪಿಗೆ ಅನುಕೂಲವಾಗುವಂತೆ ಸುಮಾರು 15 ನಿಮಿಷಗಳ ಕಾಲ ಓಟ್ಸ್ ಗಳನ್ನು ನೀರಿನಲ್ಲಿ ನೆನೆಹಾಕಿ ಅದಕ್ಕೆ ಸ್ವಲ್ಪ ಸಕ್ಕರೆ ಬೆರೆಸಿ ಆನಂತರ ಜೇನುತುಪ್ಪ ಸೇರಿಸಿ ಈ ಮಿಶ್ರಣವನ್ನು ಮುಖದ ಮೇಲೆ ಎಲ್ಲಾ ಕಡೆ ಅನ್ವಯಿಸಿ ಸ್ವಲ್ಪ ಹೊತ್ತು ಕಳೆದ ನಂತರ ಒಣಗಲು ಬಿಟ್ಟು ನಂತರ ಉಗುರು ಬೆಚ್ಚಗಿನ ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ.
ಧ್ಯಾನ ಮಾಡುವ ಅಭ್ಯಾಸ ನಿಮ್ಮದಾಗಲಿ
ಬೆಳಗಿನ ಸಮಯದಲ್ಲಿ ಅಥವಾ ರಾತ್ರಿ ಮಲಗುವ ಮುಂಚೆ ಧ್ಯಾನ ಮಾಡುವುದು ಒಳ್ಳೆಯದು. ಇದು ನಿಮ್ಮ ಮನಸ್ಸಿನ ಏಕಾಗ್ರತೆಯನ್ನು ಹೆಚ್ಚಿಸುವುದು ಮಾತ್ರವಲ್ಲದೆ ಚರ್ಮದ ಕಾಂತಿ ಹೆಚ್ಚಾಗಲು ಕೂಡ ಅನುಕೂಲವಾಗುತ್ತದೆ ಎಂದು ಹೇಳುತ್ತಾರೆ.
ಇದು ನಿಮ್ಮ ಚರ್ಮವನ್ನು ಶಾಂತಗೊಳಿಸಿ ಒಳ್ಳೆಯ ನಿದ್ರೆ ನಿಮ್ಮದಾಗಲು ಅನುಕೂಲಮಾಡಿಕೊಡುತ್ತದೆ. ಮರುದಿನ ಬೆಳಗಿನ ಸಮಯದಲ್ಲಿ ಹೊಳಪಿನ ಮುಖ ನಿಮ್ಮದಾಗುತ್ತದೆ.
