ನಿಮ್ಮ ಬ್ಲಡ್ ಶುಗರ್ ಪ್ರತಿ ದಿನ ಏರುಪೇರು ಆಗುತ್ತಿದೆ ಎನ್ನುವ ಗೊಂದಲ ನಿಮಗಿದ್ದರೆ, ಈ ಟಿಪ್ಸ್ ಅನುಸರಿಸಿ. ಇದರಿಂದ ಯಾವಾಗಲೂ ಶುಗರ್ ಲೆವೆಲ್ ಕಂಟ್ರೋಲ್ ನಲ್ಲಿ ಇರುತ್ತದೆ.
ಇದರಲ್ಲಿ ಒಂದು ವೇಳೆ ನಿರ್ಲಕ್ಷ್ಯ ತೋರಿದರೆ, ಬಾಡಿ ಶುಗರ್ ಲೆವೆಲ್ ಏರುಪೇರು ಆಗುತ್ತಲೇ ಹೋಗುತ್ತದೆ. ಈ ರೀತಿ ಆಗದಂತೆ ಸಮತೋಲನವಾಗಿ ನಮ್ಮ ಗ್ಲುಕೋಸ್ ಮಟ್ಟವನ್ನು ಕಾಯ್ದುಕೊಳ್ಳಬೇಕು ಎಂದರೆ ಅದಕ್ಕೆ ಇಲ್ಲಿವೆ ಟಿಪ್ಸ್. ಇವುಗಳನ್ನು ನೀವು ಪ್ರತಿದಿನ ಬೆಳಗ್ಗೆ ಅನುಸರಿಸಬೇಕು.
ಬ್ರೇಕ್ ಫಾಸ್ಟ್ ನಲ್ಲಿ ಎಲ್ಲಾ ಪೌಷ್ಟಿಕಾಂಶಗಳು ಸಿಗಬೇಕು
- ಬೆಳಗ್ಗೆ ನೀವು ತಿನ್ನುವ ತಿಂಡಿ ರುಚಿಕರವಾಗಿ ಮತ್ತು ಆರೋಗ್ಯಕರ ವಾಗಿದ್ದರೆ ನೀವು ಇಡೀ ದಿನ ಹೊಸ ಹುರುಪು ಮತ್ತು ಚೈತನ್ಯ ದಿಂದ ಕೂಡಿರುತ್ತೀರಿ. ಹೀಗಾಗಿ ಬೆಳಗಿನ ಸಮಯದಲ್ಲಿ ಉತ್ತಮ ಆಹಾರ ಪದಾರ್ಥಗಳನ್ನು ತಿನ್ನಲು ಆಯ್ಕೆ ಮಾಡಿಕೊಳ್ಳಿ.
- ಇವುಗಳು ನಿಮ್ಮ ಮೆಟಬಾಲಿಸಂ ಪ್ರಕ್ರಿಯೆಯನ್ನು ಚೆನ್ನಾಗಿ ಆಗುವಂತೆ ಮಾಡಿ ಇನ್ಸುಲಿನ್ ಉತ್ಪತ್ತಿಯನ್ನು ಚೆನ್ನಾಗಿ ಮಾಡುತ್ತವೆ. ಇದರಿಂದ ಬ್ಲಡ್ ಶುಗರ್ ಲೆವೆಲ್ ಸಮತೋಲನ ದಲ್ಲಿರುತ್ತದೆ. ಮಧುಮೇಹ ಸಮಸ್ಯೆ ತೊಂದರೆ ತಂದು ಕೊಡುವ ಹಂತಕ್ಕೆ ಹೋಗುವುದಿಲ್ಲ.
ಮಧುಮೇಹ ಕಂಟ್ರೋಲ್ ಮಾಡೋದು ಹೇಗೆ?
ಪ್ರೋಟೀನ್ ಮತ್ತು ನಾರು ಹೆಚ್ಚು ಸಿಗಲಿ
- ಸಮತೋಲನವಾದ ಆಹಾರ ಪದ್ಧತಿಯಲ್ಲಿ ಪ್ರೋಟೀನ್ ಮತ್ತು ನಾರಿನ ಅಂಶ ಕೂಡ ಬಹಳ ಮುಖ್ಯ. ಹಾಗಾಗಿ ನೀವು ತಿನ್ನುವ ತಿಂಡಿಯಲ್ಲಿ ಇವುಗಳು ಸಿಗುತ್ತವೆ ಎಂಬುದನ್ನು ಖಾತ್ರಿ ಪಡಿಸಿಕೊಳ್ಳಿ. ಹೆಚ್ಚುವರಿ ಕಾರ್ಬೊಹೈಡ್ರೇಟ್ ಅಂಶಗಳನ್ನು ಸೇವಿಸಬೇಡಿ.
- ಬೆಳಗಿನ ತಿಂಡಿಯಲ್ಲಿ ಒಳ್ಳೆಯ ಪೌಷ್ಟಿಕಾಂಶಗಳು ನಿಮ್ಮ ದೇಹಕ್ಕೆ ಸಿಕ್ಕಿದರೆ ಅದರಿಂದ ನಿಮ್ಮ ಮೆಟಬಾಲಿಸಂ ಪ್ರಕ್ರಿಯೆ ಉತ್ತಮ ಗೊಳ್ಳುತ್ತದೆ ಮತ್ತು ಅತಿಯಾದ ಬೊಜ್ಜು ಕರಗುತ್ತದೆ ಜೊತೆಗೆ ಬ್ಲಡ್ ಶುಗರ್ ಲೆವೆಲ್ ಕಂಟ್ರೋಲ್ ನಲ್ಲಿ ಇರುತ್ತದೆ.
ಬೆಳಗಿನ ಸಮಯದಲ್ಲಿ ಸಿಹಿ ಸೇವನೆ ಬೇಡ
ಬೆಳಗ್ಗೆ ಬೆಡ್ ಕಾಫಿ ಕುಡಿಯುವುದರಿಂದ ಹಿಡಿದು ಬೇರೆ ಯಾವುದೇ ಕೂಲ್ ಡ್ರಿಂಕ್ಸ್ ಅಥವಾ ಸಕ್ಕರೆ ಹಾಕಿ ಪ್ಯಾಕ್ ಮಾಡಲಾದ ಪಾನೀಯಗಳನ್ನು ಕುಡಿಯಬೇಡಿ. ಇವುಗಳು ನಿಮ್ಮ ಆರೋಗ್ಯಕ್ಕೆ ತೊಂದರೆ ಉಂಟು ಮಾಡುತ್ತವೆ. ಹೀಗಾಗಿ ಬ್ಲಡ್ ಶುಗರ್ ಲೆವೆಲ್ ಕೂಡ ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ನಿಮ್ಮ ದೇಹಕ್ಕೆ ಹೆಚ್ಚುವರಿ ಕ್ಯಾಲೋರಿಗಳನ್ನು ಕೊಡದೆ ಇರುವಂತಹ ಆಹಾರಗಳನ್ನು ಬೆಳಗಿನ ಸಮಯದಲ್ಲಿ ಸೇವನೆ ಮಾಡಿ.
ಕೆಫೆನ್ ಅಂಶ ಹೆಚ್ಚಾಗಿ ಸೇವಿಸಬೇಡಿ
- ಬೆಳಗ್ಗೆ ತಿಂಡಿ ತಿನ್ನುವ ಮುಂಚೆ ನಿಮಗೆ ಕಾಫಿ ಕುಡಿಯುವ ಅಭ್ಯಾಸ ಇದ್ದರೆ, ಹಾಲು ಮತ್ತು ಸಕ್ಕರೆ ಕಡಿಮೆ ಹಾಕಿದ ಕಾಫಿ ಸೇವನೆ ಮಾಡಿ. ಇದು ಆರೋಗ್ಯದ ಮೇಲೆ ಅಷ್ಟು ಅಡ್ಡ ಪರಿಣಾಮಗಳನ್ನು ಬೀರುವುದಿಲ್ಲ.
- ಹೆಚ್ಚಿನ ಪ್ರಮಾಣದಲ್ಲಿ ಕೆಫೆನ್ ಅಂಶ ಹೊಂದಿರುವ ಕಾಫಿ ಸೇವನೆ ಬೇಡ. ಬೆಳಗಿನ ಸಂದರ್ಭದಲ್ಲಿ ಈ ರೀತಿಯ ಕೆಫಿನ್ ಅಂಶ ಮತ್ತು ಸಕ್ಕರೆ ಅಂಶ ಹೆಚ್ಚಾಗಿ ದೇಹ ಸೇರಿದರೆ ಅದರಿಂದ ನಿಮ್ಮ ಬಾಡಿ ಯಲ್ಲಿ ನೀರಿನ ಅಂಶ ಕಡಿಮೆ ಆಗಬಹುದು. ಇದರಿಂದ ಬ್ಲಡ್ ಗ್ಲುಕೋಸ್ ಲೆವೆಲ್ ಹೆಚ್ಚಾಗುವ ಸಾಧ್ಯತೆ ಇರುತ್ತದೆ.
ನೀರು ಮತ್ತು ಆರೋಗ್ಯಕರ ಪಾನಿಯಗಳನ್ನು ಕುಡಿಯಿರಿ
- ನಿಮ್ಮ ಸಕ್ಕರೆ ಕಾಯಿಲೆ ನಿಯಂತ್ರಣದಲ್ಲಿರಬೇಕು ಎಂದರೆ ನಿಮ್ಮ ದೇಹದಲ್ಲಿ ಎಂದಿಗೂ ನೀರಿನ ಕೊರತೆ ಆಗಬಾರದು. ಇದರಿಂದ ನೀವು ಆಗಾಗ ಸ್ವಲ್ಪ ಸ್ವಲ್ಪ ಪ್ರಮಾಣದಲ್ಲಿ ನೀರು ಕುಡಿಯಬೇಕು.
- ಜೊತೆಗೆ ಆರೋಗ್ಯಕರವಾದ ಪಾನೀಯಗಳನ್ನು ಅಂದರೆ ಎಳನೀರು, ಓ ಆರ್ ಎಸ್ ಇವುಗಳನ್ನು ಸೇವಿಸಬೇಕು. ಇದರಿಂದ ನಿಮ್ಮ ದೇಹದಲ್ಲಿ ಎಲ್ಲಾ ಅಂಗಾಂಗಗಳು ಚೆನ್ನಾಗಿ ಕೆಲಸ ಮಾಡುತ್ತವೆ. ನಿಮ್ಮ ಕಿಡ್ನಿಗಳಿಗೆ, ನರಮಂಡಲಗಳಿಗೆ ಯಾವುದೇ ತೊಂದರೆ ಆಗುವುದಿಲ್ಲ ಜೊತೆಗೆ ನಿಮಗೆ ಹೃದಯ ರಕ್ತನಾಳದ ಕಾಯಿಲೆಗಳು ಸಹ ಬರುವುದಿಲ್ಲ.
